اللہ سے ملاقات

ارشادات  ...  واقعات  ... تعلیمات  اور  طرز فکر

 اللّٰہ سے ملاقات 

  ڈاکٹر صاحب بیان کرتے ہیں  ... ایک مرتبہ عظیمی صاحب نے اپنے مرشد کریم ...

 حضور قلندر بابا اولیاءؒ کا ایک واقعہ سنایا کہ  ... قلندر بابا اولیاء  ... رات بھر جاگتے اور تکوینی

 کاموں میں مصروف رہتے - صبح اذان کے بعد میں ان کو چائے   پیش کیا کرتا -

 ایک بار جب میں چائے لے کر حاضر ہوا تو دیکھا کہ حضور بابا صاحب کے چہرے سے مسرت

 پھوٹی  پڑ  رہی ہے - میں نے عرض کی  ... حضور !  آج آپ بہت خوش ہیں  -

  فرمایا  ... خواجہ صاحب ! آپ سمجھیں گے بھی یا نہیں  ... رات اللّٰہ سے ملاقات ہوئی مجھے گلے

 لگا کر کہا کہ  ... میری جان تو کہاں ہے - 

ڈاکٹر  صاحب نے سوال کیا  ... حضور قلندر بابا اولیاء نے یہ کیوں فرمایا کہ آپ سمجھیں گے بھی یا

 نہیں  - جواب میں ارشاد ہوا  ... بھئی یہ الہامی انداز کلام ہے - اللّٰہ تعالیٰ نے کئی بار قرآن میں

 فرمایا ہے  ... ومٰٓا ادرٰکَ  ... کسی بات کو سمجھانے اور متوجہ کرنے کے لئے ہی تو کہا جاتا ہے کہ

  ... تم کیا سمجھے  ،  تم سمجھو گے نہیں -

دوسرا سوال عرض کیا  ... اور بابا صاحب سے یہ کیوں کہا کہ تو کہاں ہے ؟  یعنی کیا اللّٰہ کو یہ معلوم 

نہ تھا کہ بابا صاحب کہاں ہیں -

 اس پر حضرت عظیمی صاحب نے فرمایا  ... یہ   پیار کا طرز تخاطب ہے - جب آپ کسی عزیز

 دوست سے ملتے ہیں خواہ کچھ ہی دیر   پہلے اس سے مل چکے ہوں  ... آپ کہہ گزرتے ہیں  ... اماں

 یار کہاں ہو تم  ؟   ASAMKH